Urriaren 1a aukeratu zuen Nazio Batuen Batzar Nagusiak, 1990ean, adineko pertsonek gizartean duten zeregina aitortzeko eta zahartze demografikoaren erronkak ikusarazteko.

Esperientzian, memoria kolektiboan eta belaunaldien arteko elkartasunean egindako ekarpenak nabarmentzeko eguna da, eta eskubideak gogoratzeko, babesteko eta ongizatea bermatzeko eguna.

Gaur, gainera, Jokoaren Euskal Behatokiak egin zuen eta aurtengo otsailean aurkeztu zen azterlan bat aipatu nahi dugu. Azterlan horretan agerian geratzen da zahartzaroko jokoa ez dela homogeneoa, genero-desberdintasunek gutxiago zeharkatzen dutela eta belaunaldien arteko eredu komunei lotuago dagoela.

Azterlanak, besteak beste, agerian uzten du pertsona nagusiek zorizko jokoarekin duten harremana bizitzan zehar eraikitzen dela, aisialdi-alternatiben urritasunak, joko tradizionalen legitimitate sozialak eta harreman-dimentsio indartsuak markatutako testuinguru historiko espezifiko batean.

Laburbilduz, Euskadiko adineko biztanleen artean zorizko jokoa fenomeno kultural, sozial eta belaunaldiz belaunaldi kokatua dago, eta beharrezkoa da prebentzio-neurri ez-estigmatizatzaileak hartzea, eta hauek ditu oinarri: joko segurua sustatzea, arrisku-egoerak garaiz identifikatzea eta gizarte-bizitzari, autonomiari eta zahartzaroko ongizateari lotutako babes-faktoreak indartzea.

2026ko urriaren 1a